Թվականները առարկաների թիվ, քանակ կամ թվային կարգ ցույց տվող բառեր են։
Թվականներն ըստ իմաստի լինում են՝
1. Քանակական թվականները ցույց են տալիս առարկաների թիվը, քանակը։ Սրանք կոչվում են բացարձակ թվականներ։ Օրինակ՝ երկու, երեք, տասը, հիսունհինգ, հարյուր, հազար։
2. Կոտորակային թվականները մատնանշում են ամբողջի մասերը։
Կոտորակային թվականները կազմված են երկու մասից՝ քանակական թվականից, որը ցույց է տալիս, թե ամբողջի քանի մասն է վերցված, և դասական թվականից, որը ցույց է տալիս, թե ամբողջը քանի մասի է բաժանված, օրինակ՝ մեկ երկրորդ , երեք չորրորդ և այլն։
3. Բաշխական թվականները ցույց են տալիս առարկաների բաշխումը որոշ թվային քանակով։
Բաշխական թվականները կազմվում են երկու եղանակով՝ ա) քանակական թվականներին ավելանում է -ական ածանցը, օրինակ՝ երեքական, իննական, հազարական, բ) քանակական թվականների կրկնությամբ, օրինակ՝ հինգ-հինգ։
4. Դասական թվականները ցույց են տալիս առարկաների թվային կարգը կամ դասը։
Դասական թվականները կազմվում են քանակական թվականներից -րորդ, -երորդ ածանցների միջոցով։
Продолжить чтение «Թվական անուն»
Ռուզան Ղուկասյան բլոգ 